Barazia gjinore është thelbësore për mbrojtjen e të drejtave të njeriut, për funksionimin e demokracisë dhe qeverisjes së mirë, si dhe për respektimin e shtetit të së drejtës dhe promovimin e mirëqenies për të gjithë. Rrjeti GCJ është jashtëzakonisht relevant për rajonin tuaj dhe për Evropën në tërësi. Jam krenar që jam një prej patroneve të tij.

Jam krenar që jam Kryetar i Bordit të Patronëve të Rrjetit GCJ. Diskriminimi i bazuar në gjini, në cilëndo formë, e veçanërisht kundër grave, duhet të luftohet me çdo kusht. Unë ia kam kushtuar karrierën time, përfshirë 9 vitet e fundit si Gjyqtar e më pas Kryetar i Gjykatës Evropiane të të Drejtave të Njeriut, sigurimit të barazisë së burrave dhe grave si e drejtë themelore e njeriut. Gjyqtarët janë në vijën e parë të frontit në këtë betejë, sidomos në këtë rajon. Burrat dhe gratë duhet të luajnë rolin e vet me fuqi të barabartë. Mezi pres të luaj rolin tim dhe t’i jap Rrjetit mbështetjen time të plotë.

Në kohë sfidash të mëdha, të cilat përkeqësojnë më tej dhunën e diskriminimin me të cilët përballen gratë dhe vajzat çdo ditë, Konventa e Stambollit mbetet fanari ynë që na prin drejt zhdukjes së kësaj dukurie, duke sfiduar sjelljet patriarkale që e mundësojnë atë, duke siguruar mbrojtje për viktimat dhe ndëshkim për kryesit, dhe duke rritur efektet vetëdijesuese tek gratë e vajzat në veçanti dhe brenda shoqërisë në tërësi.

Barazia gjinore është një vlerë e atillë që e vë theksin tek dinjiteti dhe integriteti njerëzor, si dhe tek tërësia e përbashkët e qenieve njerëzore. Qëllimi për përmbushjen e kësaj vlere na përfshin të gjithëve, pavarësisht nga seksi, vet-identifikimi apo përkatësitë. Të gjithë ne kemi rol për të luajtur në promovimin e barazisë gjinore në të gjitha sferat e jetës. Po gjyqtarët kanë rol vendimtar në mbrojtjen kundër diskriminimit të bazuar në gjini, dhunës dhe abuzimeve. Jam e nderuar që jam një prej patronëve të Rrjetit.