Билјана Брејтвејт [Biljana Braithwaite]

Програмска директорка за Западен Балкан, AIRE Центар

Билјана ја води Програмата за владеење на правото за Западен Балкан на AIRE Центарот. Таа во период на повеќе од 20 години испорача повеќе од педесет обемни проекти за владеење на правото, во партнерство со клучните национални институции и меѓународни агенции. Тие вклучуваа родова еднаквост и други форми на техничка помош, обуки за човекови права, законодавни реформи, добро владеење и борба против корупцијата и организираниот криминал. Како правничка со образование оформено на Универзитетот во Белград и на Институтот „Раул Валенберг“ при Универзитетот во Лунд, Билјана ја започна својата кариера во белградскиот Центар за човекови права. Таа го основала и е еден од уредниците на стручниот правен билтен „Човековите права во Европа“ (Human Rights in Europe), кој сега го издаде неговото 150-то издание. Од неодамна таа е коавтор на серија водичи за судии, носители на одлуки и практичари во Југоисточна Европа, кои се фокусираат на низа теми за човековите права, вклучувајќи ги правичното судење и независното судство, миграцијата, КОВИД-19 и неговото влијание врз човековите права и родовата еднаквост во судската пракса на ЕСЧП. Таа е членка на одборите на AIRE Центарот во САД и International Bridges to Justice (Меѓународни мостови кон правдата).

Косана Бекер [Kosana Beker]

Експертка за родова еднаквост

Косана Бекер докторирала во Центарот за родови студии при Универзитетот во Нови Сад на тема интерсекциска дискриминација на жените. Таа долги години е активистка за човекови права и адвокатка, особено во областа на правата на жените. Во моментов, таа е Програмска директорка на Организацијата за женски права FemPlatz и работи како консултант во областа на антидискриминацијата и родовата еднаквост. Таа е авторка и коавторка на бројни извештаи, анализи и публикации за спроведување на националното и меѓународното законодавство за антидискриминација, за правата на жените и за правата на лицата со попреченост.

Сабина Ѓапо [Sabina Đapo]

Програмска менаџерка на Програмата за владеење на правото во Западниот Балкан

Сабина раководи со целокупната програма за владеење на правото во Западниот Балкан. Таа работи со менаџери на одделни проекти за да ги поддржи во нивните активности на планирање и спроведување на проектите, управување со ресурсите и обезбедување координација и синергија во сите проекти. Таа ја предводи работата на Центарот во областа на мониторинг и евалуација и го согледува во целина процесот на менаџирање на односите со донаторите. Таа има повеќе од 20-годишно искуство во управување со програми и проекти во меѓународни и мултинационални организации, со големи достигнувања во стратешкото планирање, развојот и спроведувањето на програми и проекти, испитувањето и оценувањето на остварените резултати. Нејзината работа е особено сосредоточена на доброто владеење, отчетноста, транспарентноста и економскиот развој. Во изминатите 5 години таа првенствено се сосредоточуваше на родовата рамноправност, конкретно сосредоточувајќи се на економско зајакнување на жените. За време на пандемијата на КОВИД-19, Сабина организираше голем број сесии со универзитетите во БиХ за подзастапеноста на жените во јавниот живот, остварувајќи контакти со повеќе од 300 студенти и професори. Кога работеше во Британската амбасада во Сараево, Сабина работеше на развој на Родовата заложба, интерен документ во кој се наведени организациските заложби за еднакви права на мажите и жените

Вања Радевиќ [Vanja Radevic]

Правна експертка

Во текот на нејзината кариера, Вања Радевиќ извршуваше различни функции во црногорскиот правосуден систем и владините институции. По работата во Вишиот суд на Црна Гора, таа го продлабочи нејзиното знаење за човековите права работејќи како советничка на застапникот на Црна Гора пред Европскиот суд за човекови права. За време на 42-то Собрание на црногорската Влада таа ја извршуваше функцијата советничка на премиерот за надворешна политика. Била членка на различни работни групи во рамките на Советот на Европа што се однесуваат на граѓанскиот сектор и на националните институции за заштита на човековите права. Таа, исто така, е коавторка на бројни публикации кои го анализираат спроведувањето на законодавството во врска со човековите права во Црна Гора.

Арѓана Шехи Кало [Ardjana Shehi Kalo]

Aдвокатка и раководна партнерка во АК Партнерс Легал & Консалтинг

Арѓана Шехи Кало, има над 30-годишно професионално искуство, претежно како правничка во Албанија. Арѓана е раководна партнерка во АК Партнерс Легал & Консалтинг. Таа работела како правничка, правна консултантка и обучувач за бројни меѓународни организации (на пример, за невладини организации и агенции за развој), како и за странски амбасади, меѓународни групи за консалтинг, претпријатија кои се на списокот на најуспешни на Fortune [Форчун] и високообразовни институции.

Во период од повеќе години, Арѓана предавала и обучувала на Академијата за судии и јавни обвинители во Албанија. Таа е авторка на многу правни статии кои биле објавени во домашни и странски публикации и е коавторка на три правни книги. Неколку години Арѓана била на листата IFLR100 на високо ценети адвокати и била назначенa правнa советничка на Австриската амбасада во Тирана.

Во текот на нејзината професионална кариера, Арѓана била вклучена во родови прашања; таа се залагала за законски права на жените и особено за нивното економско зајакнување. За таа цел таа, исто така, била членка на одбори на организации и проекти фокусирани на правата за родова рамноправност и други родови прашања. Исто така, таа учествувала во визуелни уметнички проекти како средство за унапредување на правата на жените. Арѓана настојува да биде пример за жените во Албанија.

Арѓана завршила постдипломски студии по деловно право на Правниот факултет на Универзитетот во Тирана. Исто така, таа има магистерски дипломи од постипломските студии за деловна администрација на Универзитетот во Тирана и на Универзитетот во Небраска (САД).

Лејла Коњиќ Драговиќ [Lejla Konjic Dragovic]

Cудијка на Судот на Босна и Херцеговина

Лејла Коњиќ Драговиќ, вршела разни функции во текот на нејзината кариера во правниот систем на Босна и Херцеговина. Таа била судијка од 2010 година и работела на сите видови кривични предмети, вклучувајќи ги оние кои се однесуваат на повреди на човековите права. Таа е едукатор на Центарот за едукација на судии и јавни обвинители на Федерацијата на Босна и Херцеговина и е сертифициран обучувач на Советот на Европа.

Таа била членка на разни работни групи на различни теми поврзани со родово-базирано насилство, вклучувајќи ги семејното насилство, кривичното дело силување и остварувањето на правото на имотноправни барања итн. Таа е авторка и коавторка на неколку публикации во врска со, меѓу другото, кривичните дела силување и семејно насилство во правосудниот систем. Исто така, таа пишувала за судската пракса во Босна и Херцеговина.

Лејла има диплома од Правниот факултет на Универзитетот во Сараево и исто така магистерска диплома од европски студии на Универзитетот во Болоња. Нејзиниот магистерски труд бил на темата „Остварување на правото на правично судење според членот 6 од Европската конвенција за заштита на човековите права и основните слободи“. Лејла го положила правосудниот испит во ноември 2006 година.

Марина Наумовска [Marina Naumovska]

Правна експертка

Марина Наумовска, повеќе од 20 години работела на програми за правосудна реформа на меѓународно и домашно ниво. Таа го предводела тимот на Меѓуресорската група за реформа на правосудниот сектор и јавната администрација во Северна Македонија и била помошничка (заменичка) на министерот за правда.

Таа работела како програмскa менаџерка, специјалист за правосудство и обучувач во програми за развој на капацитети за човекови права кои биле дел од меѓународни иницијативи. Голем дел од нејзината работа во областа на обуката на судии бил извршен во рамките на активности поддржани од ЕУ и Советот на Европа. Таа работела со институции од Западниот Балкан, Кавказ, Летонија, Португалија, Турција и Украина. Работела и со Светската банка, ОБСЕ и други меѓународни институции.

Марина е авторка и коавторка на бројни публикации, создала прирачници и водичи за разни прашања поврзани со човековите права и владеењето на правото и одржала повеќе од педесет обуки за судии. Нејзините неодамнешни проекти вклучувале реперни студии за еднообразна примена на судската пракса, за најдобри практики во правосудните системи за обука и за оценувања на работата на судиите врз основа на стандардите на Советот на Европа и јуриспруденцијата на Европскиот суд за човекови права.

Марина дипломирала на правни студии на Правниот факултет на Универзитетот „Св. Кирил и Методиј“, Скопје.

Мирјана Поповиќ [Mirjana Popovic]

Cудијка на Апелациониот суд на Црна Гора

Мирјана Поповиќ, е судијка на Апелациониот суд на Црна Гора и претседателка на Црногорското здружение на женски судии (ЦЗЖС).

Мирјана ја почнала нејзината правна кариера како адвокатка, а потоа станала судијка на Основниот и Вишиот суд во Подгорица. Нејзиниот стаж во судството е подолг од 25 години. Од 2017 година таа е членка на Консултативниот совет на европски судии (КСЕС) на Советот на Европа, избрана од Црна Гора (КСЕС е независно тело на Советот на Европа, составено исклучиво од меѓународни судии). Од 2018 година Мирјана ја извршувала функцијата известувач на КСЕС за родова рамноправност.

Нејзините должности како известувач на КСЕС за родова рамноправност, во комбинација со нејзините должности како судијка, ја инспирирале Мирјана да го развие своето знаење за важноста на родовата рамноправност во судството – прашање кое е од клучно значење за транспарентноста, правичноста и отчетноста на судството. За да се подобрат прашањата сврзани со интегритет на родовата рамноправност во судството и за да се подигне свеста за родовата рамноправност, воопшто, Мирјана во февруари 2023 година го иницирала и основала првото Црногорско здружение на женски судии (ЦЗЖС).

Мирјана дипломирала на Правниот факултет на Универзитетот во Подгорица и го положила црногорскиот правосуден испит.

Бранкица Јанковиќ [Brankica Jankovic]

Повереничка за рамноправност

Бранкица Јанковиќ, била Повереничка за заштита на рамноправноста на Република Србија откако била избрана на таа функција од страна на Народното собрание на Република Србија во 2015 и 2020 година. Од 2012 до 2014 година таа била државен секретар во Министерството за труд, вработување и социјална политика. Пред тоа била директорка на Геронтолошкиот центар во Белград.

Бранкица била членка на Геронтолошкото друштво на Србија во изминатите петнаесет години. Ова ја вклучило неа во заштита на човековите права на старите граѓани. Исто така, таа била волонтерка на Црвениот крст на Србија и почесна членка на Клубот за палијативна нега Bel Hospice [Бел Хоспис]. Таа била членка на разни професионални и стручни здруженија на полето на социјалната заштита.

Бранкица била вклучена во подготвување на разни национални стратегии и правни документи и објавила бројни стручни трудови и публикации на теми од областа на правата на старите граѓани и жени и особено за борбата против родово-базираното насилство. Бранкица добила повеќе награди за нејзината работа, вклучувајќи „Придонес на годината за Европа“ за 2018 година и наградата на ОБСЕ „Личност на годината“ за 2017 година.

Таа дипломирала на Правниот факултет на Универзитетот во Белград, ги завршила нејзините постипломски студии на Правниот факултет на Универзитетот во Нови Сад и е студентка на докторските студии на Факултетот за безбедност во Белград.

Албанска школа за судии

По потпишувањето на Меморандумот за соработка, професорот Сокол Бербери [Sokol Berberi] од Албанската школа за судии изјави:

“Обуките и семинарите за родова еднаквост во Албанската школа за судии имаат за цел да вкоренат во умовите на судиите дека ефективноста на законодавството за родовата еднаквост во голема мера зависи од неговата примена и толкување, бидејќи судиите се стратешки поставени да ја воспостават таа ефективност преку правилна примена на тоа законодавство во нивните пресуди, особено во промовирањето и унапредувањето на правата на жените. Иницијативата GCJ дополнително придонесува за позитивната вредност што регионалните правосудни академии и школи ја стекнаа преку долгогодишната соработка со AIRE Центарот. AIRE Центарот е еден од најстарите партнери на Школата. Нашата соработка датира од 1999 година, кога заедно со Советот на Европа организиравме обука за судии и обвинители. Унапредувањето на нашето партнерство со овој Меморандум за соработка, уште еднаш ја повторува нашата подготвеност да продолжиме да работиме заедно кон имплементирање на заедничките цели за професионална обука, бидејќи правосудната обука всушност претставува многу важен фактор за борба против нееднаквостите и неправдите”.

Центар за едукација на судиите и обвинителите на Федерацијата Босна и Херцеговина

Директорот на Центарот за едукација на судиите и обвинителите на Федерацијата на Босна и Херцеговина Арбен Муртезиќ [Arben Murtezić] по потпишувањето на Меморандумот за соработка изјави:

“Денес е важен ден од повеќе причини. Прво, правиме уште еден чекор кон зајакнување на регионалната соработка, чија важност не бара елаборација. Второ, самата тема на Меморандумот, родовата еднаквост, е една од клучните теми во секое демократско општество и не треба да се штедат напори за нејзино остварување. Драго ни е што AIRE Центарот е тој што ги поддржува и ги модерира овие активности, со оглед на нивното огромно искуство и исклучително позитивните искуства кои сите во регионот ги имале во соработката со оваа светски позната организација”.

Центар за едукација на судиите и обвинителите на Република Српска

Директорот на Центарот за едукација на судиите и обвинителите на Република Српска Томислав Чавиќ [Tomislav Čavić] по потпишувањето на Меморандумот за соработка изјави:

“Континуирано работиме на градење на свеста на судиите и обвинителите за потребата од обука и едукација. Верувам дека таа цел ја постигнавме во изминатите 20 години. Судиите и обвинителите ја препознаваат важноста на континуираното работење и информирање и подобрување на самите себе. Фактот што денеска овде со нас се претставници на правосудните академии и институции од целиот регион, како и од цела Европа, е уште една потврда за нашата работа. Денешното презентирање на GCJ Мрежата ќе обезбеди висококвалитетна правосудна обука за подигнување на свеста за родовата еднаквост и сузбивање на родовата пристрасност и стереотипите како причини за дискриминација на жените. Континуираната обука на судиите ќе го спречи ризикот од родова пристрасност и од стереотипите кои ја поткопуваат непристрасноста на судиите. Конечно, судовите се обврзани ефективно да го заштитат остварувањето на правата и слободите кои се поврзани со родовата еднаквост и содржани во меѓународните конвенции и релевантните меѓународни инструменти”.

Академија за правда на Косово

Директорот на Академијата за правда на Косово Енвер Фејзулаху [Enver Fejzullahu] по потпишувањето на Меморандумот за соработка изјави:

“Косовската академија за правда е задоволна што е дел од напорите за воспоставување на судската мрежа на родовите шампиони во (GCJ Мрежа), што ќе се постигне денеска кога ќе биде потпишан Меморандумот за соработка од страна на правосудните академии и центрите за обука во регионот. Признавајќи ја важноста на обуките во областа на родовата еднаквост, Косовската академија за правда во 2017 година започна со спроведување на обуките за родовата еднаквост и недискриминација и оттогаш редовно ги обезбедува за судиите, обвинителите и правните професионалци во судството и пошироко. Обуките опфаќаат и материјално и процесно право што ги регулира имотот, вработувањето, наследувањето и управувањето”.

Центар за обука во судството и државното обвинителство на Црна Гора

Љиљана Лакиќ [Ljiljana Lakić], Претседателка на Центарот за обука во судството и државното обвинителство на Црна Гора, по потпишувањето на Меморандумот за соработка изјави:

“Црногорскиот центар за обука во судството и државното обвинителство, како национална институција за обуки во правосудството, долго време ја препознава важноста од континуирано проширување на знаењето за родовата еднаквост, како преку почетна обука на кандидатите за судии и обвинители, така и преку континуираната обука на судиите и на државните обвинители. Морам да нагласам дека AIRE Центарот е еден од нашите први и најважни партнери. Нашата соработка, која започна во 2000 година, вклучува активности за усовршување на вештините и знаењата за примена на Европската конвенција за човекови права и судската пракса на Европскиот суд за човекови права во однос на сите области релевантни за работата на судството”.

Aкадемија за судии и јавни обвинители на Република Северна Македонија

Директорката на Академијата за судии и јавни обвинители на Република Северна Македонија Наташа Габер Дамјановска по потпишувањето на Меморандумот за соработка изјави:

“Родовата еднаквост е втемелена како граѓанско и политичко право во Уставот на Република Северна Македонија. Имајќи предвид дека еднаквите права на жените и мажите се од суштинско значење за севкупниот развој и напредок на општеството, Академијата вклучи обука за родова еднаквост и во нејзините првични и континуирани програми за обука. Понатамошното унапредување на овие права бара поголема свесност за родовата еднаквост и намалување на бројот на родово засновани кривични дела. Ова е причината зошто Академијата, во тандем со своите меѓународни партнери, вклучувајќи го и AIRE Центарот, се залага за фокусирање на овие европски вредности од страна на стручната заедница, особено судството”.

Правосудна академија на Србија

Директорот на Правосудната академија на Србија Ненад Вујиќ [Nenad Vujić] по потпишувањето на Меморандумот за соработка изјави:

“Обуките за родова еднаквост се еден од програмските приоритети на српската Правосудна академија. Тие се дел и од наставната програма за почетна обука за идните судии и обвинители и од континуираната обука на судиите и обвинителите. Регионалната соработка со поддршка на AIRE Центарот, долгогодишен партнер на институциите за обуки во правосудството во регионот, дополнително ќе ги подобри обуките за родовата еднаквост, како и судските и обвинителските практики во врска со ова важно прашање”.